Shomanay rayonı fermerleri menen Qaraqalpaqstan Respublikası Awıl xojalıǵı ministriniń birinshi orınbasarı A.Koziyevtiń basshılıǵında ótkerilgen májiliste fermerler ushın jańa imkaniyatlar jaratıw hám olardıń abadanlıǵın arttırıwǵa qaratılǵan áhmiyetli jumıslar dodalandı.
Májiliske “BIONOVATIK AGRO” kompaniyasınıń Orta Aziya aymaqlıq wákili A.Sultanov, Paxtashılıq departamentiniń baslıǵı F.Teshayev, awıl xojalıǵı tarawınıń tiyisli xızmetkerleri, paxta-toqımashılıq klasterler hám de fermerler qatnastı.
Májiliste Prezidentimiz tárepinen Qaraqalpaqstan Respublikasında isbilermenlikti bunnan bılay da rawajlandırıw hám xalıqtıń abadanlıǵın támiyinlew ushın islenip atırǵan jumıslar boyınsha túsinikler berildi. Bul baǵdarda fermerlerge jaratılǵan jańa imkaniyatlar, qollap-quwatlaw ilajları hám mámleket tárepinen ámelge asırılıp atırǵan baǵdarlamalar haqqında tolıq maǵlıwmat berildi.
Bul ushırasıw Shomanay rayonı fermerlerine óz biznesin rawajlandırıw, zamanagóy texnologiyalardı qollanıw hám zúráátlilikti arttırıw boyınsha jańa bilim hám kónlikpelerdi iyelew imkaniyatın berdi.
