Búgin, Ellikqala rayonı “Navoiy” APJ aymaǵında jaylasqan “Javohir asl meva boǵi” fermer xojalıǵında miyweli baǵlarǵa islew beriw hám búgingi kúnde zıyankeslerge qarsı Bordo suyıqlıǵın tayarlaw hám de basqa da agrotexnikalıq ilajlardı ótkeriw boyınsha kórgizbeli seminar bolıp ótti.
Seminarǵa Agrosanaattı rawajlandırıw agentligi Ellikqala rayonı joybarlaw ofisi qánigesi U.Baltabaev, agronom qánigeler A.Abdullaev hám A.Seytimbetovlar qatnastı.Seminarǵa jıynalǵan baǵshılıqqa qánigelesken fermer xojalıǵı basshılarına búgingi kúnde baǵlarda keshiktirip bolmaytuǵın agrotexnikalıq ilajlardı ótkeriw boyınsha usınıslar berildi.
Seminar qatnasıwshılarına 2024-jıl 30-sentyabr kúni Húrmetli Prezidentimiz tárepinen qabıl etilgen 151-sanlı “Respublikada Agrosanaat tarawına jańa bazar mexanizmlerin engiziw hám sanaatlasqan baǵ hám júzimzarlardı jaratıwdıń qosımsha is-ilajları haqqında”ǵı pármanı hám 344-sanlı “Awıl xojalıǵı ministrligi janındaǵı Agrosanaattı rawajlandırıw agentliginiń jumısın shólkemlestiriw haqqında”ǵı qararlarında fermer xojalıqlarına berilgen jeńillikler boyınsha túsinikler berildi.
