Ózbekstan Respublikası Prezidentiniń 2024-jıl 30-sentyabrdegi PP-151-sanlı pármanına muwapıq, aymaqlarda eski, nátiyjesiz baǵlar ornına sanaatlasqan intensiv miywe nállerin egiw jumısları alıp barılmaqta.Sonday-aq, Agrosanaattı rawajlandırıw agentliginiń rayon qánigeleri tárepinen egislik jerlerdi durıs tańlaw, topıraq jaǵdayın bahalaw hám suwǵarıw sistemasın jaqsılaw boyınsha fermer xojalıqlarǵa usınıslar berilmekte.
Joybardıń tiykarǵı maqseti jańa sanaatlasqan miyweli baǵlar jaratıw arqalı aymaqta sapalı miywe jetistiriwdi támiyinlew, topıraq ónimdarlıǵın arttırıw, jasıl maydanlardı keńeytiw hám de joybar boyınsha innovaciyalıq awıl xojalıǵı texnologiyaların engiziw, jańa jumıs orınların jaratıw sonday-aq xalıqqa sapalı azıq-awqat ónimlerin jetkerip beriwde ayrıqsha áhmiyetke iye bolıp esaplanadı.
Atap aytqanda, búgingi kúnde rayondaǵı Keneges APJ aymaǵında jaylasqan “Qıyat” fermer xojalıǵınıń 5 gektar jer maydanında miyweli náller egilip, nátiyjeli jumıslar shólkemlestirilmekte.
