Zúrááttiń bereketli bolıwın jaqsı niyetler menen baslaǵan diyqan babalarımız búgin Beruniy rayonında plyonka astına shigit egiwdi basladı.Bul kórgizbeli seminar “Beruniy cluster” JShJne qaraslı egislik maydanında ámelge asırılıp, onda Qaraqalpaqstan Respublikası Ministrler Keńesi Baslıǵınıń orınbasarı Sh.Teshayev qatnastı.

Sonday-aq, texnikalardan nátiyjeli paydalanıw, suwdı únemleytuǵın texnologiyalardı ornatıw, zúráátke óz waqtında agrotexnikalıq ilajlardı qollanıw, hám de shigit egiw máwsiminde qatnasatuǵın mexanizatorlarǵa atız basında sharayatlar jaratıp beriw boyınsha áhmiyetli tapsırmalar berildi.Maǵlıwmat ornında, 2025-jılǵı máwsimde Beruniy rayonında 8500 gektar maydanǵa shigit egiw rejelestirilgen bolıp, atap aytqanda sırt el sortları, “Sultan” sortı, “Buxara” sortlarınıń egiliwi belgilengen.Kórgizbeli seminarda qatnasqan fermerler menen birgelikte atız maydanına shigit tuqımları egildi.