Qanlıkól rayonında biyday orım-jıyınına baǵıshlanǵan ámeliy kórgizbeli seminar ótkerildi

Mámleketimizde azıq-awqat qáwipsizligin támiyinlew, dán jetistiriwde joqarı nátiyjelilikke erisiw, ónimdarlıqtı arttırıw hám aldınǵı agrotexnikalıq tájiriybelerdi ámeliyatqa engiziw baǵdarında sistemalı jumıslar alıp barılmaqta.

Usı múnásibet penen Qanlıkól rayonı “Altınkól” awıl puqaralar jıyını aymaǵında jaylasqan “Shaxnoz Asel” fermer xojalıǵında 2025-jılǵı biyday orım-jıyın jumısların nátiyjeli shólkemlestiriw máselesine baǵıshlanǵan ámeliy kórgizbeli seminar bolıp ótti.

Onda Qanlıkól rayonı hákimi B.Sultanov, rayonlıq tiyisli shólkem hám mákemelerdiń wákilleri, fermer xojalıqlarınıń basshıları, orım-jıyın otryadlarınıń basshıları hám qánigeler qatnastı

Maǵlıwmat ushın, usı jılı Qanlıkól rayonında 152 fermer xojalıǵı tárepinen jámi 4200 gektar maydanda biyday egilgen. Orım-jıyın máwsimin shólkemlestirilgen halda ótkeriw maqsetinde rayonda 9 otryad dúzilip, hár bir otryadqa zamanagóy kombayn, júk avtomobili, traktor tirkemeleri hám texnikalıq xızmet kórsetiwshi qurallar bekitilgen.