Biydaydan bosaǵan maydanlarda tákirarıy egis jumısları alıp barılmaqta Nókis rayonı “Darsan” mákan puqaralar jıyını aymaǵında jaylasqan “Rametulla” fermer xojalıǵında ǵálleden bosaǵan jer maydanlarına gúzgi kartoshka egiw jumıslarına baǵıshlanǵan kórgizbeli seminar shólkemlestirildi. Seminarǵa Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev, Nókis rayonı hákimi Z.Zaytov, fermer xojalıqlarınıń basshıları, agrar tarawda jumıs alıp barıp atırǵan qánigeler hám awıl xojalıǵı tarawınıń wákilleri qatnastı. Seminar sheńberinde qatnasıwshılar kartoshka egiw processleri, oǵan tayarlıq jumısları, zamanagóy agrotexnologiyalardan paydalanıw imkaniyatları, sonday-aq, ónimdarlıqtı arttırıw boyınsha ámeliy usınıslar menen tanıstı. Sonıń menen birge awıl xojalıǵı eginlerin zıyankeslerge qarsı gúresiwde biolaboratoriya xızmetlerinen paydalınıwdıń áhmiyeti haqqında tolıq maǵlıwmatler berildi. Seminar dawamında kartoshka egiw jumısların óz waqtında, jedel hám sapalı ámelge asırıw boyınsha anıq wazıypalar belgilendi hám juwapker shólkemler hám fermerlerge zárúr kórsetpeler berildi. Bunday ámeliy seminarlar awıl xojalıǵındaǵı jumıs nátiyjeliligin arttırıw, fermerlerdiń mamanlıǵın jáne de joqarılatadı.