Tórtkúlde tákirarıy egin hám ǵawasha agrotexnikası boyınsha kórgizbeli seminar ótkerildi

Tórtkúl rayonındaǵı “Paxtachi” awıl puqaralar jıyını aymaǵında jaylasqan “Kaltaminor altın úlkesi” fermer xojalıǵında kórgizbeli seminar bolıp ótti.

Onda ǵálleden bosaǵan maydanlarda kartoshka egiw, onıń agrotexnikalıq ilajları hám joqarı zúráátlilik alıw boyınsha túsindiriw jumısları alıp barıldı. Seminarda rayon hákimi I.Xudaybergenov tárepinen taraw juwapkerlerine kartoshka egiw agrotexnikası hám ǵawasha tárbiyasında eń áhmietli esaplanǵan 30 kúnlik dáwirde orınlanıwı kerek bolǵan jumıslar boyınsha tolıq maǵlıwmatlar hám tapsırmalar berildi.

🇬🇦 seminarda rayon hákiminiń orınbasarı J.Xudaybergenov, fermer xojalıǵı basshıları hám tiyisli shólkemlerdiń juwapkerlerine 107 fermer xojalıǵında 110 gektar jerge tákirarıy egin sıpatında kartoshka egiw hám onıń agrotexnikası boyınsha aytıp ótti.