Tórtkúl rayonında jeńilletilgen kredit tiykarında banan jetistirip atırǵan diyxan

Tórtkúl rayonı “Báhár” máhálle puqaralar jıyınında jasawshı Atajan Urazımbetov pensiyada bolıwına qaramastan, rayonda qıytaq jerinen únemli paydalanıp atırǵanlardan biri. A.Urazımbetov 2024-jılı mámleket tárepinen ajıratılǵan jeńilletilgen kreditten paydalanıp, 33 million som qarjı esabınan 3 sotıx jer maydanında termos usılında ıssıxana qurdı. Ándijan wálayatınan banan nálleri alıp kelinip egilgen bolıp, házirgi waqıtta náller tolıq tutıp, boyı 2,5 metrge jetken. Bunnan tısqarı, A.Urazımbetov óziniń 25 sotıx jer maydanına qawın-ǵarbız, pomidor, qıyar, kartoshka hám basqa da palız eginlerin egip, shańaraǵınan artıp qalǵan ónimlerdi jergilikli bazarlarda satıp tabıs almaqta.