Ámiwdáryalı fermer Yaqıpbay Ashirov tuqımgershilik tarawında jańa joybardı iske qostı
Ámiwdárya rayonındaǵı “Yaqıpbay Ashirov” fermer xojalıǵı 2009-jılı shólkemlestirilgen bolıp, 114 gektar jer maydanında diyxanshılıq etedi. Fermer xojalıǵınıń basshısı Yaqıpbay Ashirov kóp jıllar dawamında tuqımgershilik tarawında paxta hám dán tuqımların jetistiriw menen shuǵıllanıp kelgen.
Jańa maqsetlerge umtılǵan Yaqıpbay Ashirov Qıtay mámleketine barıp, mámleketimiz tárepinen jaratılǵan imkaniyatlardan paydalanıp, 3 milliard som jeńilletilgen kredit aldı hám óz qarjısınan 3 milliard som ajıratıp, Qıtaydan paxta, dán hám basqa da dánli tuqımlardı qayta isleytuǵın zavod úskenelerin alıp keldi.
Búgingi kúnde “Amu sara tuqımları” JShJ ashılıp, óz jumısın basladı hám zavod iske qosıldı. Zavod jańa paxta jıyın-terim máwsimine tayar halǵa keltirilgen hám paxta qabıllawǵa tayın.
Yaqıpbay Ashirov Prezidentimiz tárepinen Qaraqalpaqstanlı isbilermenlerge jaratılıp berilip atırǵan imkaniyatlardan quwanıshlı ekenligin atap ótti.
