Qanlıkól rayonında sharwashılıq kompleksi iske túsirildi
Qanlıkól rayonı Bostan APJ aymaǵında jaylasqan “Aydos Duzelbaev” fermer xojalıǵı tiykarınan paxta hám ǵálle jetistiriwge qánigelesken bolıp, xojalıq búgingi kúnde mámleketke paxta jáne ǵálle tapsırıw rejelerin tabıslı orınlap kelmekte.
Fermer xojalıǵınıń basshısı Aybek Ádenbaevtıń baslaması menen xojalıq jumısın keńeytiw maqsetinde 1 milliard som óz qarjıları esabınan 100 bas qaramalǵa mólsherlengen zamanagóy sharwashılıq kompleksi iske qosıldı.
Fermerdiń atap ótiwinshe, tiykarǵı maqset xalqımızdı arzan hám sapalı gósh ónimleri menen támiyinlew bolıp esaplanadı. Sonıń menen birge, kelesi jılı jáne 100 bas qaramalǵa mólsherlengen jańa fermanı qurıw rejelestirilmekte.
