Shomanay rayonında kóshpeli qabıllaw bolıp ótti

Búgin, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev Shomanay rayonı “Ketenler” awıl puqaralar jıyını aymaǵındaǵı 11-sanlı ulıwma orta bilim beriw mektebinde fermerler hám qıytaq jer iyeleri menen ushırastı.

Ushırasıwda awıl xojalıǵı menen baylanıslı áhmiyetli máseleler dodalandı. Fermerler hám qıytaq jer iyeleri ózlerin qızıqtırǵan sorawlar menen múrájat etip, usınıs hám pikirlerin bildirdi. Sh.Teshaev hár bir múrájattı dıqqat penen tıńlap, olarǵa tolıq juwap berdi hám máselelerdi sheshiw jolların kórsetip ótti.

Ushırasıw dawamında suw támiynatı, jer ónimdarlıǵın arttırıw, zıyankeslerge qarsı gúresiw, kredit alıw imkaniyatları hám basqa da máseleler kórip shıǵıldı. Sonday-aq, fermerler hám qıytaq jer iyelerine awıl xojalıǵı tarawındaǵı jańalıqlar, aldıńǵı texnologiyalar hám mámleket tárepinen berilip atırǵan jeńillikler haqqında maǵlıwmat berildi.

Ushırasıw ashıq hám konstruktiv ruwxta ótti. Fermerler hám qıytaq jer iyeleri óz mashqalaların tikkeley jetkeriw hám olardıń sheshimi boyınsha usınıslar beriw múmkinshiligine iye boldı. Sh.Teshaev bunday ushırasıwlardıń keleshekte de dawam etetuǵının atap ótti.