Kegeyli rayonında kóshpeli qabıllaw ótkerildi

Búgin, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri Shuhrat Teshaev Kegeyli rayonı “Abat mákan” mákan puqaralar jıyınında puqaralar hám tarawǵa baylanıslı máseleler boyınsha kóshpeli qabıllaw ótkerdi.

Qabıllawda kárxana hám shólkemlerdiń basshıları, awıl xojalıǵı tarawınıń juwapker wákilleri, sonday-aq, puqaralar qatnastı.

Qabıllaw dawamında xalıqtıń múrájat hám usınısları tıńlanıp, ayırım máselelerge usı jerdiń ózinde sheshim tabıldı. Sonday-aq, sheshimi waqıt talap etetuǵın múrájatlar boyınsha juwapkerlerge tiyisli tapsırmalar berildi.