Taxtakópir rayonında ǴXQ ushın press-tur shólkemlestirildi

Búgin Qaraqalpaqstan Respublikası Awıl xojalıǵı ministrligi Baspasóz xızmeti hám Taxtakópir rayonı hákimligi Baspasóz xızmeti birgelikte ǴXQ wákilleri ushın press-tur shólkemlestirildi.

Press-tur dawamında qatnasıwshılar “KAUSAR TEGIRMON” JShJ jumısı menen tanıstı.

Kárxana tárepinen bahası 878 mıń AQSh dolları bolǵan júndi qayta islew joybarı ámelge asırılıp, 15 jańa jumıs ornı jaratıldı. Jılına 1200 tonna jún ónimlerin qayta islew quwatlılıǵına iye kárxana iske túskennen soń, byudjetke 1,3 milliard som túsim keltiredi.

Sonday-aq, kárxana tárepinen 2025-jılı 46 milliard somlıq dándi qayta islew joybarı hám 32 milliard somlıq mal sharwashılıǵı jáne sútti qayta islew joybarları ámelge asırılmaqta.

Nátiyjede jámi 50 den aslam jańa jumıs ornı jaratıladı, 120 bas násilli iri qara mal alıp kelingen bolıp, sút ónimleriniń 5 túri – qaymaq, qatıq, sút, smetana hám yogurt islep shıǵarılmaqta.