Taqıyatas rayonında shúdigarlaw hám jer tegislew jumısları dawam etpekte

Mámleketimiz basshısınıń tapsırmasına muwapıq, paxta óndiriw procesin mexanizaciyalaw, zúráátlilikti arttırıw hám egin maydanlarınan nátiyjeli paydalanıwdı támiyinlew maqsetinde Taqıyatas rayonında atızlardı paxta teriw mashinalarına beyimlestiriw boyınsha keń kólemli jumıslar alıp barılmaqta.

Atap aytqanda, kelesi jılı zúráátlilikti arttırıw maqsetinde shúdigarlaw, jer tegislew hám basqa da agrotexnikalıq ilajlar reje tiykarında ámelge asırılmaqta. Bul is-ilajlar nátiyjesinde atızlardan ónimli paydalanıw, miynet ónimdarlıǵın arttırıw, sonday-aq, jetistiriletuǵın zúrááttiń sapası hám kólemin kóbeytiw názerde tutılǵan.

Elimizde agrar tarawdı bunnan bılay da rawajlandırıwǵa qaratılǵan bul reformalar awıl xojalıǵı óndirisinıń nátiyjeliligin arttırıwǵa xızmet etpekte.