Taqıyatasta baǵshılıq boyınsha seminar ótkerildi

Taqıyatas rayonı «Naymankól» APJ aymaǵındaǵı «Artıqbay Tumalaq baǵı» JShJniń 11,5 gektarlıq miyweli baǵında ámeliy seminar bolıp ótti.

Oǵan Agrosanaattı rawajlandırıw agentligi Qaraqalpaqstan Respublikası basqarması hám Akademik M.Mirzaev atındaǵı baǵmanlıq, júzimgershilik hám vinoshılıq ilimiy-izertlew institutı Qaraqalpaqstan ilimiy-tájiriybe stanciyasınıń qánigeleri, fermerler hám tiyisli shólkemlerdiń wákilleri qatnastı.

Seminarda tereklerge báhárgi forma beriw, zıyankeslerge qarsı gúresiw hám mineral tóginler menen azıqlandırıw boyınsha ámeliy usınıslar berildi.

Maǵlıwmat ushın, rayonda 52 fermer xojalıǵına qaraslı 226 gektar baǵ hám júzimzar bar. 2026-jılı qosımsha 20 gektar baǵ hám 10 gektar júzimzar shólkemlestiriw rejelestirilgen.