Agrar tarawdı rawajlandırıw jolında
Shımbay rayonı awıl xojalıǵı tarawın jánede rawajlandırıw, bar mashqalalardı úyreniw hám olardı saplastırıw boyınsha Qaraqalpaqstan Respublikası prokurorı Sh.A.Aminov tárepinen awıl xojalıǵı tarawında iskerlik júrgizip atırǵan taraw qánigeleri qatnasıwında ushırasıw shólkemlestirildi.
Ushırasıw dawamında fermer xojalıqları, klasterler hám mexanizatorlardıń iskerligine tiyisli áhmiyetli máseleler talqılanıp, jer hám suw resurslarınan nátiyjeli paydalanıw, agrotexnikalıq ilajlardı óz waqtında ámelge asırıw, sonday-aq, nızamshılıqqa ámel etiliwi máselelerine ayrıqsha itibar qaratıldı.
Aytıp ótiw kerek, mexanizatorlar tárepinen ámelge asırılıp atırǵan pidákerlik miynet mámleketimizdiń agrar tarawın turaqlı rawajlandırıw, jerden ónimli paydalanıw hám de joqarı ónimdarlıqqa erisiwde zárúrli áhmiyetke iye.
Ilaj sheńberinde awıl xojalıǵı tarawında nátiyjeli iskerlik júrgizip kiyatırǵan bir topar aldıńǵı mexanizatorlar múnásip sıylıqlanıp, olardıń pidákerlik miyneti, joqarı nátiyjeleri hám de tarawdı rawajlandırıwǵa qosqan úlesi ayrıqsha atap ótildi.
Bul baǵdardaǵı jumıslar dawam etpekte.
