Nókis rayonı «Shortanbay» awıl puqaralar jıyını aymaǵında jaylasqan «Mańǵıt Qıpshaq» fermer xojalıǵı tárepinen awıl xojalıǵı ónimlerin jetistiriw hám eksport etiw boyınsha nátiyjeli jumıslar alıp barılmaqta

Bul fermer xojalıǵı hár jılı 25 gektar maydanǵa plenka astına qawın egip, joqarı ónim alıwǵa erisip kelmekte. Jetistirilgen ónimler eksportqa bag‘darlang‘an bolıp, Qazaqstan Respublikasına eksport qılıw jolǵa qoyılǵan.

Sonıń menen birge, máwsim dawamında fermer xojalıǵı tárepinen 25-30 puqara máwsimlik jumıslar menen támiyinlenip, xalıq bántligin arttırıwǵa múnásip úles qosılmaqta.

Házirgi kúnlerde qawın atızlarında agrotexnikalıq ilajlar qızǵın dawam etpekte. Atap aytqanda, nállerdı azıqlandırıw, biygana shóplerden tazalaw sıyaqlı áhmiyetli kútim jumısları ámelge asırılmaqta.

Fermer xojalıǵı tárepinen ámelge asırılıp atırǵan bul jumıslar awıl xojalıǵın rawajlandırıw, eksport potencialın arttırıw hámde xalıqtıń abadan turmısın támiyinlewde úlken áhmiyetke iye.