Taqıyatas rayonında usı jıldıń zúrááti ushın shigit egisi mapazı baslanıwına baylanıslı kórgizbeli seminar ótkerildi.Onda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev, Qońırat, Qanlikól, Xojeli rayonlarınıń hákimleri, tarawǵa baylanıslı juwapker shólkemler, paxta klasterler hám fermer xojalıqları basshıları qatnastı.
Seminar dawamında húrmetli Prezidentimiz tárepinen tarawǵa qaratılıp atırǵan itibarı, berilgen imkaniyatları haqqında keń túrde atap ótildi. Shigit egisiniń sapalı usılları hám fermer xojalıqları itibar qaratıwı lazım bolǵan áhmiyetli wazıypalar sóz etildi hám hákim orınbasarlarınıń esabatları tıńlandı.
Ilaj dawamında jaqsı niyetler menen atızlarǵa dáslepki tuqımlar taslanıp, rayonda egis jumısları baslap jiberildi.
