Nókis rayonında usı jıldıń zúrááti ushın shigit egisi mapazı baslanıwına baylanıslı kórgizbeli seminar ótkerildi.Onda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev, rayon hákimi Z.Zaytov, awıl xojalıǵı boyınsha ilimpazlar hám fermer xojalıqları basshıları qatnastı.
Seminar dawamında shıǵıp sóylewshiler tárepinen mámleketimizde Prezidentimiz tárepinen awıl xojalıǵın rawajlandırıwǵa qaratılıp atırǵan itibar hám jaratılǵan keń imkaniyatlar haqqında keń túrde atap ótildi. Sonday-aq, shigit egiwdiń sapalı usılları hám fermer xojalıqları itibar qaratıwı kerek bolǵan áhmiyetli wazıypalar sóz etildi.
Nókis rayonında usı jılı jámi 2 500 gektar maydanǵa shigit egiw rejelestirilgen bolıp, bul jumıslardı shólkemleskenlik penen alıp barıw ushın 10 otryadqa 552 texnika biriktirildi.
Ilaj dawamında seminar shólkemlestiriwshileri hám aymaq jası úlkenleri tárepinen jaqsı niyetler menen atızlarǵa dáslepki tuqımlar taslanıp, rayonda egis jumısları baslap jiberildi.
