FERMERLERGE WAZIYPALAR BELGILENDI

Qaraózek rayonı hákimligi májilisler zalında Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev hám Qaraózek rayonı hákimi A. Baymuratov basshılıǵında awıl xojalıǵı jumıslarınıń barısına baǵıshlanǵan jıynalıs bolıp ótti.

Bul jıynalısta rayondaǵı fermer xojalıqlarınıń basshıları hám taraw juwapkerleri qatnastı.

Májiliste házirgi waqıtta ǵawashanı tárbiyalawdıń agrotexnikalıq ilajların belgilengen múddetlerde hám sapalı ámelge asırıw, zúráátlilikti arttırıw maqsetinde tárbiyalaw jumısların keshiktirmey shólkemlestiriw boyınsha qánigeler tárepinen usınıslar berildi.

Sonday-aq, jıynalıs dawamında fermerler ózlerin qıynap atırǵan máseleler boyınsha sorawlar menen múrájat etti. Olardıń mashqalaların saplastırıw hám keleshekte ámelge asırılıwı kerek bolǵan wazıypalar belgilep alındı.