Qaraqalpaqstanda awıl xojalıǵı tarawında gezektegi seminar bolıp ótti
Ózbekstan Respublikası Awıl xojalıǵı ministrligi janındaǵı Azıq-awqat hám awıl xojalıǵı tarawında strategiyalıq rawajlanıw hám izertlewler xalıqaralıq orayınıń baslaması menen Qaraqalpaqstan Respublikası Sawda-sanaat palatasında aymaqlıq dárejedegi ámeliy seminar shólkemlestirildi.
Seminarda Qaraqalpaqstan Respublikası boylap xızmet etip atırǵan 150 den aslam isbilermen hám fermer xojalıǵı wákilleri qatnastı.
Seminarda qatnasıwshılar xalıqaralıq qarjı institutları menen ámelge asırılıp atırǵan joybarlar sheńberinde jeńilletilgen kreditler alıw tártibi, eksport potencialın arttırıw, zamanagóy texnologiyalardı qamtıw, sonday-aq, hayal-qızlar hám jaslar isbilermenligin qollap-quwatlaw boyınsha tolıq maǵlıwmatlar aldı.
Seminarda tómendegi qánigeler qatnasıp, taraw boyınsha áhmiyetli bayanatlar hám túsinikler berdi:
Qudratilla Inagamov – Jáhán bankiniń “Awıl xojalıǵın modernizaciyalaw” joybarı sheńberinde jámiyetlik qorǵaw máseleleri boyınsha qánige, Dilbarxon Siddiqova – joybar sheńberinde jámiyetshilik penen baylanıslar boyınsha qánige, Shohida Hasanova – Yaponiya xalıqaralıq birge islesiw agentligi (JICA) joybarı sheńberinde gender máseleleri boyınsha qánige sıpatında qatnastı.
Seminar dawamında qatnasıwshılar ózlerin qızıqtırǵan sorawlardı tikkeley qánigelerge jollap, ámeliy juwaplar hám usınıslar aldı. Ashıq pikir almasıw hám interaktiv túrde ótkerilgen seminar haqıyqıy zárúrlik hám máselelerge sheshim tabıwǵa qaratıldı.
📊 Maǵlıwmat ushın: házirge shekem Qaraqalpaqstanda 400 den aslam joybar xalıqaralıq qarjılandırıw tiykarında qollap-quwatlanǵan bolıp, bul arqalı 38 million AQSh dolları muǵdarında jeńilletilgen kredit ajıratılǵan hám 2000 nan aslam jumıs ornı jaratılǵan.
➡️ Bunday seminarlar pútkil respublika boylap basqıshpa-basqısh shólkemlestirilip, awıl xojalıǵı tarawında xızmet etip atırǵan subyektlerge zárúrli maǵlıwmat, qarjılıq hám shólkemlestiriwshilik járdemdi usınıw maqsetin gózleydi.
