Beruniy rayonı “Abay” awıl puqaralar jıyını aymaǵındaǵı “Niyatulla Azizbek” fermer xojalıǵı atızlarında ǵawasha tárbiyalawdıń áhmiyetli basqıshlarınan biri bolǵan shılpıw (chekanka) is-ilajların sapalı shólkemlestiriw boyınsha ámeliy seminar bolıp ótti.

Oǵan Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máselelerine boyınsha orınbasarı Sh.Teshayev qatnastı.

Seminar dawamında jetekshi agronomlar hám tájiriybeli fermerler tárepinen ǵawashanıń vegetaciya dáwirinde ótkeriletuǵın shılpıw jumıslarınıń agrotexnikalıq tiykarları, bul procestiń ónimdarlıqqa tikkeley tásiri, sonday-aq, jergilikli sharayatta eń nátiyjeli usıllar haqqında jaqsı maǵlıwmatlar berildi.

Bul seminar tek ǵana tájiriybe almasıw maydanına emes, al aymaqtaǵı basqa da fermer xojalıqları ushın da aldıńǵı usıllardı úyreniw imkaniyatına aylandı. Shuxrat Teshayev óz sózinde fermerlerdiń pidayı miynetin joqarı bahaladı hám awıl xojalıǵında nátiyjelilikti arttırıw ushın bunday seminarlardı ótkeriw zárúr ekenligin atap ótti.