Fermerler 2026-jıl zúrááti ushın ǵálle egiwge kiristi

Taqıyatas rayonı Naymankól awıl puqaralar jıyınındaǵı “Nayman Agro Green House” fermer xojalıǵında 2026-jıl zúrááti ushın ǵálle egiw boyınsha kórgizbeli seminar shólkemlestirildi.

Seminarda Qaraqalpaqstan Respublikası Ministrler Keńesi Baslıǵınıń orınbasarı, Awıl xojalıǵı ministri Sh.Teshaev, rayon hákimi K.Aytbaev hám taraw juwapkerleri qatnastı.

Seminarda ǵálle egiw boyınsha aldınǵı tájiriybeler kórsetildi, qánigeler óz-ara pikir alıstı. Sh.Teshaev jıynalǵanlardı Ózbekstan Respublikası ǵárezsizliginiń 34 jıllıǵı menen qutlıqlap, elimiz basshısı tárepinen sońǵı jılları Qaraqalpaqstan Respublikasında awıl xojalıǵın rawajlandırıw baǵdarında qabıl etilgen qarar hám pármanlar haqqında aytıp ótti. Bul hújjetler tiykarında kóplegen fermerler nátiyjeli jumıs alıp barıp, awıl xojalıǵınıń rawajlanıwına hám azıq-awqat qáwipsizligin támiyinlewge óz úlesin qosıp atırǵanın atap ótti.

Seminardıń juwmaqlawshı bólegi sıpatında tuqım sebiw máresimi ótkerildi. Qatnasıwshılar 2026-jıl zúrááti ushın bereket tilep, tuqım ekti.