Beruniyli fermer anar jetistiriwden millionlap dáramat tawıp atır

Beruniy rayonı “Jumaniyazov” mákan puqaralar jıyını aymaǵında jaylasqan “Jumaniyazov 67” fermer xojalıǵı baǵshılıqqa qánigelesken bolıp, ulıwma 8,7 gektar jer maydanına iye. Sonnan 4 gektarına erik, 3 gektarına alma hám 1,5 gektarına anar egilgen.

Fermer xojalıǵınıń basshısı Rustam Xajiboevtiń atap ótiwinshe, xojalıqta tiykarınan anardıń 6 túri jetistirilmekte. Hár bir gektardan 25-30 tonnaǵa shekem ónim alınbaqta. Bul bolsa xojalıqqa jılına 450-500 million som dáramat alıp kelmekte. Rustam Xajiboevtiń aytıwınsha, tek ǵana 200 túp anar egiw arqalı bir shańaraqtı qıynalmastan támiyinlew múmkin.

Fermer xojalıǵı búgingi kúnde 10 adamǵa turaqlı jumıs ornın jaratqan. Sonday-aq, anar terimi hám onı kómiw mavsiminde kúnine 20-30 jas waqtınsha jumıs penen támiyinlenbekte.

Rustam Xajiboevtiń atap ótiwinshe, jetistirilip atırǵan sapalı anarlar Qaraqalpaqstannıń barlıq rayonlarınan kelip, kótere túrde alıp ketilmekte.