Ellikqala rayonında balıqshılıq rawajlanbaqta
Ellikqala rayonınıń Aqshakól awıl puqaralar jıyını aymaǵında jaylasqan tábiyǵıy “Ziyauiddin” kóli 2022-jılı “Jaxongir Sanjar Sarvar” JShJ tárepinen mámleketlik rezervten ijaraǵa alınıp, balıqshılıq penen shuǵıllanıw jolǵa qoyılǵan.
Fermer xojalıǵınıń basshısı Xabibulla Qalbaevtıń atap ótiwinshe, kól dáslep 20 gektardı quraǵan bolsa, búgingi kúnde onıń maydanı 50 gektarǵa jetkerildi. Sonday-aq, kól átirapında qosımsha túrde 15-20 gektar maydanda jasalma kóller jaratılıp, bul aymaqlarda hár gektarınan 3-10 tonnaǵa shekem balıq jetistirilmekte.
