Suwdı únemleytuǵın texnologiyalar boyınsha ushırasıw ótkerildi

Ministrler Keńesiniń Baslıǵı tárepinen tastıyıqlanǵan grafik tiykarında Beruniy rayonında 2026-jıl zúrááti ushın suwdı únemleytuǵın texnologiyalardı engiziw máselelerine baǵıshlanǵan ushırasıw bolıp ótti.

Ilajda Qaraqalpaqstan Respublikası Ministrler Keńesi Baslıǵınıń orınbasarı Sh.Teshaev, ministrlik qánigeleri, fermerler keńesi, Agrobank, suwdı únemlewshi texnologiyalardı támiyinlewshi kárxanalardıń wákilleri qatnastı.

Ushırasıwda suw xojalıǵındaǵı sońǵı ózgerisler, qabıl etilgen qarar hám pármanlar, Suw kodeksiniń áhmieti, sonday-aq, suwdı únemleytuǵın texnologiyalardıń abzallıqları túsindirildi.

Soraw-juwap procesinde fermerler ózlerin qızıqtırǵan sorawlarǵa juwap aldı. Jetkerip beriwshi kárxanalar bolsa óz imkaniyatları menen tanıstırdı.