Shomanay rayonında agrar tarawda áhmiyetli seminar ótkerilmekte

Kúnniń ekinshi yarımında Shomanay rayonındaǵı «Jumabay Jıraw Bazarov» atındaǵı balalar muzıka hám kórkem-óner mektebiniń zalında awıl xojalıǵı tarawına tiyisli aktual máselelerge baǵıshlanǵan seminar bolıp ótpekte.

Bul seminar Qaraqalpaqstan Respublikası Awıl xojalıǵı ministriniń birinshi orınbasarı A.Xalimbetov hám de Shomanay rayonı hákiminiń awıl hám suw xojalıǵı máseleleri boyınsha orınbasarı basshılıǵında ótkerilmekte.

Seminarǵa awıl hám suw xojalıǵı bólimi xızmetkerleri, fermer xojalıqları hám klaster shólkemleriniń wákilleri qatnaspaqta.

Ilaj dawamında aymaqta báhárgi agrotexnikalıq ilajlardı nátiyjeli shólkemlestiriw, egislik maydanların zárúrli mineral tóginler hám biostimulyatorlar menen támiyinlew, zamanagóy agrotexnologiyalardı engiziw hám de resurslardı óz waqtında jetkerip beriw máseleleri talqılanbaqta.

Seminar sońında tarawǵa tiyisli wazıypalardı sistemalı ámelge asırıw boyınsha anıq kórsetpeler hám ámeliy usınıslar beriliwi kútilmekte.