Qońırat rayonında eki aymaqtı qamtıp alǵan agrar seminar shólkemlestirildi

Qońırat rayonı Jaslar orayında Qońırat hám Moynaq rayonları ushın awıl xojalıǵı tarawına baylanıslı áhmiyetli máselelerge baǵıshlanǵan seminar shólkemlestirildi.

Bul seminar Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı Kamiljan Aytbaevtıń basshılıǵında ótkerildi. Ilajda Qońırat hám Moynaq rayonları awıl hám suw xojalıǵı bólimi xızmetkerleri, fermer xojalıqlarınıń basshıları hám klaster jer iyeleri qatnastı.

Seminar dawamında aymaqlarda báhárgi agrotexnikalıq ilajlardı sistemalı shólkemlestiriw, ǵálle maydanların mineral tóginler hám biostimulyatorlar menen azıqlandırıw, “Shinjon” texnologiyası tiykarında shigit egiletuǵın maydanlardı zárúr qurallar menen támiyinlew, sonday-aq, kartoshka eginleri ushın tuqım jetkerip beriwdi jolǵa qoyıw máseleleri hár tárepleme dodalandı.

Ilaj juwmaǵında taraw nátiyjeliligin arttırıw, resurslardan aqılǵa uǵras paydalanıw hám joqarı ónimdarlıqqa erisiw boyınsha anıq wazıypalar belgilep berildi.