Qaraózek rayonındaǵı “Baltamurad klaster” fermer xojalıǵında awıl xojalıǵı nátiyjeliligin arttırıw, suw hám resurslardan aqılǵa uǵras paydalanıw jáne miynet ónimdarlıǵın arttırıw maqsetinde zamanagóy texnika hám innovaciyalıq úskeneler engizildi

Atap aytqanda, jer islew processlerin optimallastırıw, jumıs tezligin arttırıw jáne janılǵı hám waqıttı únemlewdi támiyinlew ushın jańa áwlad súriw traktorları hám agregatları alıp kelindi. Sonıń menen birge, atızlardı anıq tegislew arqalı suwǵarıw suwınıń bir tegis bólistiriliwin támiyinlew hám suwdıń ısırapgershiligin azaytıw maqsetinde lazerli tegislew texnologiyası ámeliyatqa engizildi. Paxta jetistiriwde bolsa shigitlerdi birdey tereńlik hám aralıqta egiwdi támiyinleytuǵın zamanagóy Qıtay paxta seyalkaları paydalanıwǵa tapsırıldı.

Qaraózek rayonı hákimi A.Baymuratov fermer xojalıǵında bolıp, engizilgen texnikalar hám xojalıqtıń keleshektegi rawajlanıw rejeleri menen jaqınnan tanıstı.

Bul innovaciyalıq qatnaslar nátiyjesinde fermer xojalıqlarında óndiris nátiyjeliligi artıp, az qárejet esabınan joqarı ónimdarlıqqa erisiw imkaniyatı jaratılmaqta.