BMShnıń Azıq-awqat hám awıl xojalıǵı shólkemi (FAO) tárepinen Qaraózek hám Beruniy rayonlarına grant qarjıları esabınan 30 mıń AQSh dolları ajıratıldı

Ózbekstanda azıq-awqat sistemalarınıń jerden paydalanıw hám onı qayta tiklewge tásirin bahalaw baǵdarlaması (FOLUR) sheńberinde jergilikli shańaraqlardı qollap-quwatlaw maqsetinde 10 dana ıssıxana hám 10 dana motokultivator alıp kelindi. Bahası 30 mıń AQSh dolları bolǵan bul joybar xalıqtıń ózin-ózi bánt etiwi hám qıytaq jerlerden nátiyjeli paydalanıwına xızmet etedi.

Motokultivatorlar járdeminde jerdi bir neshe ese tez súrip, egiske tayarlaw múmkin boladı. Íssıxanalardıń ornatılıwı hawa-rayı sharayatına qaramastan, suwıq máwsimde de palız ónimlerin jıynap alıw imkaniyatın beredi.