Fermerler menen áhmiyetli máseleler talqılandı Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri Kamiljan Aytbaev Qaraózek rayonı A.S.Kamalov atındaǵı awıl puqaralar jıyını aymaǵında iskerlik júrgizip atırǵan fermer xojalıqlarınıń basshıları menen ushırasıw ótkerdi. Awıl puqaralar jıyını imaratında bolıp ótken ushırasıwda paxtanı tárbiyalawda agrotexnikalıq ilajlardı óz waqtında hám sapalı ámelge asırıw, paxta zıyankeslerine qarsı gúresiw hám mineral tóginlerdi belgilengen múddetlerde qollanıw máselelerine ayrıqsha itibar qaratıldı. Ministr fermerlerge bul baǵdarlar boyınsha zárúrli usınıs hám kórsetpeler berip, atız jumıslarınıń nátiyjeliligin arttırıw boyınsha óz pikir-usınısların bildirdi. Sonday-aq, ushırasıw dawamında fermerler ózlerin qızıqtırǵan máseleler, usınıs hám múrájatların bayan etti. Sáwbetlesiw ashıq hám jıllı ruwxta ótip, kóterilgen máseleler boyınsha tiyisli túsinikler berildi.