ELLIKQALADA AWIL XOJALIǴI TARAWINA BAǴISHLANǴAN MEDIA-TUR ÓTKERILDI

“Paxtanı qabıllaw, saqlaw hám qayta islew sistemasındaǵı zamanagóy kózqaraslar”

Búgin, Ellikqala rayonında Qaraqalpaqstan Respublikası Awıl xojalıǵı ministrliginiń málimleme xızmeti hám Ellikqala rayonı hákimliginiń málimleme xızmeti menen birgelikte jurnalist hám blogerler ushın media-tur shólkemlestirildi.

Onda respublikalıq ǵalaba xabar qurallarınıń wákilleri, jurnalist hám blogerler qatnasıp, rayonda awıl xojalıǵı tarawında alıp barılıp atırǵan jumıslar, paxta jetistiriw, onı qabıllaw hám qayta islew processleri menen jaqınnan tanıstı.

Media-tur dawamında qatnasıwshılarǵa zamanagóy klaster sistemasınıń jumısı, paxta shiyki zatın qayta islewden baslap tayar ónim islep shıǵarıwǵa shekemgi processler haqqında maǵlıwmat berildi.

Ilajdıń gezektegi mánzili “Bostan Cluster” JShJ boldı. Jurnalist hám blogerler kárxananıń óndirislik jumısı, paxtanı qabıllaw hám qayta islew imkaniyatları, tayar ónim islep shıǵarıw hám eksport baǵdarları menen tanıstı.

Sonday-aq, kárxanada jańa jumıs orınların jaratıw, xalıqtıń bántligin támiyinlew hám fermer xojalıqları menen birge islesiwdi rawajlandırıw baǵdarında ámelge asırılıp atırǵan jumıslar haqqında maǵlıwmatlar berildi.

Media-tur juwmaǵında qatnasıwshılar taraw wákilleri menen sáwbetlesip, rayonda awıl xojalıǵın rawajlandırıw, óndiris quwatlıqların keńeytiw hám zamanagóy texnologiyalardı engiziw máseleleri boyınsha pikir almastı.