Tórtkúl rayonında awıl xojalıǵı tarawındaǵı jetiskenlikler hám perspektivalarǵa baǵıshlanǵan baspasóz konferenciyası bolıp ótti Búgin, Tórtkúl rayonında Qaraqalpaqstan Respublikası Awıl xojalıǵı ministrligi hám rayon hákimliginiń málimleme xızmetleri menen birgelikte awıl xojalıǵı tarawınıń búgingi jaǵdayı, keleshektegi rejeler hám ámelge asırılıp atırǵan jumıslardıń salmaǵına baǵıshlanǵan gezektegi baspasóz konferenciyası shólkemlestirildi. Ilajdı rayon hákimi I.Xudaybergenov basqarıp bardı. Konferenciyada rayon hám respublika dárejesindegi ǵalaba xabar qurallarınıń wákilleri hám baspasóz xatkerleri qatnasıp, tarawdaǵı jańalıqlar boyınsha tolıq maǵlıwmatqa ie boldı. Konferenciyanıń tiykarǵı orayında rayonda awıl xojalıǵı baǵdarında orınlanıp atırǵan tiykarǵı wazıypalar hám erisilip atırǵan kórsetkishler haqqında tolıq maǵlıwmat berildi. ǴXQ wákilleri ózlerin qızıqtırǵan sorawlarǵa tikkeley rayon basshısınan anıq hám tolıq juwaplar alıw imkaniyatına ie boldı. Bul baspasóz konferenciyası awıl xojalıǵı tarawında ashıq-aydınlıqtı támiyinlew hám jámiyetshilikti xabardar etiwde áhmiyetli orın tuttı.