Gúzgi shúdigar — kelesi jıl óniminiń bekkem tiykarı 📍 Kegeyli rayonı Iyshan qala APJ aymaǵındaǵı “Asılbek-Álibek” fermer xojalıǵı atızlarında 2027-jıl ónimi ushın awıl xojalıǵı eginlerinen bosaǵan jer maydanlarında gúzgi shúdigar jumısların shólkemlestiriw, sonday-aq, jer paydalanıwshılardıń jer konturların muwapıqlastırıw hám keńeytiw máselelerine baǵıshlanǵan dala sharayatındaǵı ámeliy-kórgizbeli seminar bolıp ótti. Ilaj dawamında gúzgi shúdigar jumısların belgilengen agrotexnikalıq talaplar tiykarında sapalı shólkemlestiriw, jer maydanların kelesi máwsimge tayarlaw, jer konturlarınan nátiyjeli paydalanıw hám de olardı muwapıqlastırıw boyınsha ámeliy kórsetpeler berildi. Sonday-aq, fermerlerge gúzgi atız jumısların óz múddetinde juwmaqlaw, jer ónimdarlıǵın saqlaw hám arttırıw jáne 2027-jıl ónimi ushın puqta tayarlıq kóriw boyınsha tiyisli usınıs hám tapsırmalar berildi.