Qaraqalpaqstan Respublikası Awıl xojalıǵı ministrliginde, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı – awıl xojalıǵı ministri Sh.Teshayev basshılıǵında, kún tártibindegi áhmiyetli máseleler boyınsha jıynalıs bolıp ótti.
Onda qánigeler tárepinen tarawda ámelge asırılıp atırǵan jumıslar menen birgelikte, belgilengen wazıypalardıń óz waqtında orınlanıwın támiyinlew boyınsha áhmiyetli máseleler atap ótildi.
Eń tiykarǵı wazıypalar qatarında, Ózbekstan Respublikası Prezidenti tárepinen qabıl etilgen Qarar hám Pármanlar tiykarında belgilengen wazıypalardı nátiyjeli shólkemlestiriw, awıl xojalıǵı tarawın rawajlandırıw baǵdarında qánigeler iskerligin elede arttırıw boyınsha bir qatar wazıypalar belgilep berildi.
Jıynalıs juwmaǵında taraw qánigeleri tárepinen pikir hám usınıslar keń túrde talıqlanıp, tiyisli sorawlarǵa juwaplar berildi.
