Qanlıkól rayonında Qaraqalpaqstan Respublikası Awıl xojalıǵı ministriniń birinshi orınbasarı A.Koziyev, hám de rayon hákimi B.Sultanov basshılıǵında fermerler menen ushrasıw bolıp ótti.

Onda húrmetli Prezidentimiz tárepinen Qaraqalpaqstan Respublikasında isbilermenlikti jánede rawajlandırıw hám de xalıqtıń párawanlıǵın támiynlew ushın jańa imkaniyatlardı jaratıw sonday-aq, tarawda ámelge asırılıp atırǵan jumıslar boyınsha keńnen túsinik berildi.

Jıynalıs dawamında fermerlerge, awıl xojalıǵı eginleri zúráátligin asırıw ushın zamanagóy mikrobiologiyalıq preparatlardı keńnen engiziw boyınsha “BIONOVATIK AGRO” kompaniyasınıń Orta Aziyanıń aymaqlıq wákili A.Sultanov, hám de Paxtashılıq departamenti baslıǵı F.J.Teshayev, tárepinen bir qatar korsetpeler hám usınıslar atap ótildi.

Jıynalıs juwmaǵında fermerler tárepinen pikir hám usınıslar keń túrde talıqlanıp, tiyisli sorawlarǵa juwaplar berildi.