“Awıl xojalıǵı egislik maydanlarınıń ónimdarlıǵın arttırıw, tarmaqqa investiciyalar tartıw ushın qolaylı sharayat jaratıw boyınsha gezektegi ilajlar haqqında”ǵı Prezident Pármanı (PP-18-san, 03.02.2025 j.) qabıl etildi. (https://t.me/huquqiyaxborot_lotin/8815)

Pármanǵa bola, awıl xojalıǵına mólsherlengen jer uchastkaların ajıratıwda, tájiriybe-sınaq tárizinde, ijaraǵa alıwshılardıń erkinligi hám joqarı qosımsha qunǵa iye eginler jetistiriwge tiykarlanǵan jańa sistema jaratıladı.

✔️ Jańa sistema sheńberinde:

🔹jer uchastkaları konturlar pútinligi hám suwǵarıw sistemasın buzbaǵan halda 3 gektardan 50 gektarǵa shekemgi ólshemlerde “E-auksion”da sawdalarǵa shıǵarıladı;

elektron onlayn aukcion sawdalarında jasaw ornınan, shólkemlestiriw-huqıqıy formasınan, basqa jer uchastkası bar yamasa joq ekenligine qaramastan, barlıq fizikalıq hám yuridikalıq shaxslar (rezidentler), sonıń ishinde, sırt el investiciyaları qatnasıwındaǵı kárxanalar qatnasıwı múmkin.

Jańa sistema sheńberinde elektron onlayn aukcion jeńimpazı – ijarashı Jer kodeksinde belgilengen huqıqlar hám minnetlemeler menen birge tómendegi huqıqlarǵa iye boladı, atap aytqanda:

▪️jer uchastkasınan 49 jıl ijara huqıqı tiykarında paydalanıw;

▪️awıl xojalıǵı eginleriniń túrleri, sortları hám kólemlerin erkin túrde belgilew;

▪️jer uchastkasın ekilemshi ijaraǵa beriw;

▪️atız shetinde 20 sotixtan kóp bolmaǵan, awıl xojalıǵına xızmet kórsetiwshi obektlerdi jaylastırıw.