Búgin Qaraqalpaqstan Respublikası Awıl xojalıǵı ministriniń birinshi orınbasarı A.Koziyev Túrkiya mámleketinen kelgen isbilermenler menen ushırastı.

Ushırasıw dawamında miymanlar Qaraqalpaqstan Respublikası sharayatında awıl xojalıǵı ónimlerin jetistiriwde ónimdarlıqtı arttırıw ushın qollanılatuǵın organikalıq mineral tóginlerdi, sonday-aq, joqarı nátiyjeli awıl xojalıǵı texnikaları hám agregatların jetkerip beriw boyınsha usınısların berdi.

Ministrlik tárepinen bul usınıslar tereń úyrenilip shıǵılıwı, awıl xojalıǵı ónimlerin jetistiriwshilerge nátiyjeli hám paydalı bolıwı kerekligi, usınıs etilip atırǵan organikalıq mineral tóginlerdi Qaraqalpaqstan Respublikası sharayatında sınaqtan ótkerip kóriw haqqında sóylesiwler alıp barıldı.