Búgin Taqıyatas rayonı “Nayman kól” APJ aymaǵında jaylasqan “Ábdiraxman Álibek Xojeli” agrofirmasınıń 6 gektar baǵ maydanında baǵ qatar aralarındaǵı jerlerden únemli paydalanıw maqsetinde kórgizbeli seminar shólkemlestirildi.Onda rayondaǵı baqshılıqqa qánigelesken diyqan fermerler, taraw qánigeleri qánigeleri qatnastı.

Ótkerilgen seminarda Qaraqalpaqstan Respublikası Awıl xojalıǵı ministrligi janındaǵı agroxizmetler orayı hám de Agrosanaattı rawajlandırıw agentliginiń qánigeleri tárepinen baǵshılıq tarawın rawajlandırıw boyınsha usınıslar berilip, onda miyweli baǵ aralarındaǵı jerlerden nátiyjeli paydalanıp palız ónimlerin jetistiriw, eginlerde ushrasatuǵın zıyanlı keselliklerge qarsı preparatlardı qollanıw, topıraq ónimdarlıǵın arttırıwda agrotexnikalıq ilajlardı óz waqtında ámelge asırıw boyınsha bir qatar jumıslar túsindirip ótildi.