Awıl xojalıǵı jıldıń hár bir máwsiminen nátiyjeli paydalanıwdı talap etedi. Diyqanshılıqta hár bir dáwir óziniń áhmiyetine iye.

Beruniy rayonı “Nawayı” awıl puqaralar jıyını aymaǵındaǵı “Tóli Baltabaevich” fermer xojalıǵı atızlarında paxta qatar araların qayta islew boyınsha ótkerilgen kórgizbeli seminar bul processlerdiń áhmiyetin jáne bir márte tastıyıqladı.

Seminarǵa, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, Ózbekstan Fermerler keńesi baslıǵınıń birinshi orınbasarı K.Sabirov, Beruniy rayonı hákimi I.Xidirov, tiyisli shólkemler hám fermer xojalıqlarınıń basshıları qatnastı.

Seminar dawamında qánigeler tárepinen paxta qatar aralarına sapalı islew beriw, azıqlandırıw, awıl xojalıǵı zıyankeslerine qarsı gúresiw boyınsha tolıq maǵlıwmatlar berilip, barlıq fermer xojalıqlarına kultivaciya jumısların óz waqtında ámelge asırıw boyınsha tapsırmalar berildi.