Awıl xojalıǵı tarawında ruwxıy-aǵartıwshılıq hám mámleketlik tildi engiziw baǵdarındaǵı jumıslar
Ózbekstan Respublikası Awıl xojalıǵı ministriniń 2025-jıl 21-apreldegi 99-sanlı buyrıǵı tiykarında Qaraqalpaqstan Respublikasında jaylasqan ministrlik hám onıń janındaǵı respublikalıq atqarıwshı hákimiyat uyımları sistemasındaǵı shólkem hám mákemelerde ruwxıy-aǵartıwshılıq jumıslar, mámleketlik tildi engiziw baǵdarındaǵı jumısın úyreniw juwmaqları boyınsha májilis bolıp ótti.
Oǵan, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev, Awıl xojalıǵı ministriniń keńesgóyi E.Abdualimov, Qaraqalpaqstan Respublikası Ruwxıylıq hám aǵartıwshılıq orayınıń baslıǵı T.Atamuratov hám ministrliktiń barlıq bólimleri qatnastı.
Májiliste Qaraqalpaqstan Respublikasındaǵı shólkem hám mákemelerde ruwxıy-aǵartıwshılıq jumıslar hám mámleketlik tildi engiziw baǵdarında ámelge asırılǵan jumıslar talqılandı. Sonday-aq, bar mashqalalar hám olardı saplastırıw jolları dodalandı.
Awıl xojalıǵı tarawında ruwxıy-aǵartıwshılıq jumıslardı bunnan bılay da kúsheytiw, xızmetkerlerdi milliy qádiriyatlar ruwxında tárbiyalaw, mámleketlik tildi úyreniw hám engiziwdi xoshametlew boyınsha anıq wazıypalar belgilep alındı.
Bul májilis awıl xojalıǵı tarawında ruwxıy-aǵartıwshılıq jumıslar hám mámleketlik tildi engiziw baǵdarındaǵı jumıstı jáne de nátiyjeli shólkemlestiriw, xızmetkerlerdiń ruwxıy ádep-ikramlılıq dárejesin arttırıw, milliy qádiriyatlardı úgit-násiyatlaw hám mámleketlik til siyasatın bekkemlewge xızmet etedi.
