Ellikqala rayonında ǵálle orımı háwijinde: nátiyjeli hasıl jıyını boyınsha kórgizbeli seminar ótkerildi

Házirgi waqıtta Ellikqala rayonında áhmiyetli máwsim – ǵálle orım-jıyın jumısları qızǵın dawam etpekte. Írısqı-nesiybemizdiń deregi bolǵan biyday atızlarında zamanagóy, joqarı markadaǵı kombaynlar nátiyjeli jumıs islep, zúráátti óz waqtında jıynap alıwda áhmiyetli rol atqarmaqta. Hár bir kombayn járdeminde kún dawamında úlken kólemdegi biyday orıp alınıp, onıń saylandı dáni qırmanǵa jetkerip berilmekte.

Rayondaǵı Sarabiy awılında jaylasqan “Sarabiy talshı” fermer xojalıǵında ǵálle orım-jıyınına baǵıshlanǵan kórgizbeli seminar bolıp ótti. Bul seminar diyxanlardıń mashaqatlı miyneti esabınan jetistirilgen zúráátti óz waqtında hám sapalı jıynap alıw máselelerine qaratıldı.

Seminarda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev, rayon hákimi V.Niyazimbetov, awıl xojalıǵı tarawınıń juwapkerleri, tiyisli shólkemler hám fermer xojalıǵı basshıları qatnastı.

Bunday seminarlar tek ǵana tájiriybe almasıw emes, al rayondaǵı ǵálle orım-jıyın procesiniń nátiyjeliligin arttırıwǵa xızmet etpekte.