BASPASÓZ HÁM ǴALABA XABAR QURALLARÍ XÍZMETKERLERI KÚNI MÚNÁSIBETI MENEN QUTLÍQLAW
Húrmetli baspasóz hám ǵalaba xabar qurallarınıń wákilleri!
Sizlerdi 27-iyun – Baspasóz hám ǵalaba xabar quralları xızmetkerleri kúni menen shın júrekten qutlıqlayman!
Búgingi kúnde xabar tezligi, áhmiyetliligi hám haqıyqatlıǵı jámiyet rawajlanıwınıń ajıralmas bir bólegine aylanǵan. Siz, qádirli jurnalistler, redakciya xızmetkerleri, blogerler hám ǵalaba xabar quralları tarawınıń wákilleri – xalıq penen mámleket, jámiyet penen onıń basshıları arasında bekkem xabar kópirin qurıp, el-jurtımızǵa xızmet etpektesiz.
Siziń pidákerlik miynetińiz, jámiyetlik ádalat, ashıq-aydınlıq hám erkinlik principlerın alǵa ilgeriletiwdegi úlesińiz teńsiz. Ásirese, aymaqlarda, sonıń ishinde, Qaraqalpaqstandaǵı áhmiyetli reformalardı, awıl hám suw xojalıǵındaǵı ózgerislerdi xalıqqa jetkeriw baǵdarındaǵı iskerligińiz maqtawǵa ılayıq.
Usı múnásibet penen, sizlerge bekkem densawlıq, shańaraqlıq abadanshılıq, dóretiwshilik kúsh-ǵayrat hám úzliksiz tabıslar tileymen. Qálemińiz ótkir, dıqqatıńız tereń, jámiyetlik isenimińiz joqarı bolsın!
Húrmet penen,
Sh.Teshayev
Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı
