Puqaralardıń múrájatları tıńlandı: Awıl xojalıǵı tarawındaǵı máseleler dodalandı

Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayevtıń gezektegi kóshpeli qabıllawı Ámiwdárya rayonınıń “Chaykol” awıl puqaralar jıyını aymaǵında shólkemlestirildi.

Kóshpeli qabıllawda Ámiwdárya rayonı hákimi S.Xojametov, tiyisli taraw hám shólkemlerdiń basshıları hám juwapker adamlar qatnastı.

Ushırasıw dawamında puqaralar tárepinen tiykarınan awıl xojalıǵına baylanıslı máseleler boyınsha múrájatlar bildirildi. Ayırım máseleler sol jerdiń ózinde sheshilip, múrájat etiwshilerge huqıqıy hám ámeliy járdem kórsetildi.

Sonday-aq, kóbirek waqıt hám tereń úyreniw talap etetuǵın múrájatlar boyınsha juwapkerlerge anıq tapsırmalar berilip, olardıń unamlı sheshiliwin támiyinlew boyınsha ilajlar belgilendi.

Bunday kóshpeli qabıllawlar puqaralardıń máseleleriniń tikkeley ornında úyreniw, ashıq sóylesiw arqalı sistemalı sheshim tabıw hám mámleket penen xalıq arasındaǵı isenimdi bekkemlewde úlken áhmiyetke iye.