Gúnji hám másh jetistiriwge mámleketlik járdem
Ózbekstan Respublikası Ministrler Kabinetiniń 331-sanlı qararı Qaraqalpaqstan Respublikasında gúnji hám másh eginlerin jetistiriw sistemasın jetilistiriwde áhmiyetli orın tutpaqta.
Atap aytqanda, Xojeli rayonı “Sarishingul” awıl puqaralar jıyını aymaǵında jaylasqan “Kiyik mergen” fermer xojalıǵı usı qarar tiykarında 60 gektar maydanǵa másh egip, jeńilletilgen 6 ay múddet penen 265 million som kredit aldı.
Fermer Tursınbay Xudaybergenovtıń atap ótiwinshe, burın bunday jeńilletilgen sharayatlar bolmaǵan. Ministrler Kabinetiniń bul qararı Qaraqalpaqstanlı fermerler ushın kútilmegen quwanıshlı xabar boldı. Fermer Prezidentimizge óziniń minnetdarshılıǵın bildirdi.
Bul qarar Qaraqalpaqstanlı fermerler ushın jańa imkaniyatlar jaratıp, gúnji hám másh sıyaqlı awıl xojalıǵı eginlerin jetistiriwdi xoshametleydi.
