Press-turdıń keyingi mánzili “Taqırkóldegi” miynet hám tabıs baǵı: “Diana Mardana” fermer xojalıǵı

Nókis rayonınıń “Taqırkól” awılında jaylasqan “Diana Mardana” fermer xojalıǵı miynetkeshlik hám tabıs tımsalı. 2005-jılı Amangul Allambergenova tárepinen shólkemlestirilgen xojalıq búgingi kúnde 28 gektarda xızmet kórsetpekte.

Xojalıqtıń 10 gektarında baǵlar, biyday hám palız eginleri jetistiriledi. Pilleshilerge járdem beriw maqsetinde 3 gektar tut baǵı shólkemlestirilgen. Qawın Qazaqstanǵa eksport etiledi.

Amangul apa 30 qutı pal hárresi baǵadı hám 15 adamdı turaqlı, máwsimde bolsa 10-15 adamdı qosımsha jumıs penen támiyinleydi. “Diana Mardana” fermer xojalıǵı – shańaraqlıq biznestiń tabıslı úlgisi.