Ǵálleden bosatılǵan maydanlarǵa tákirar egislerdi jaylastırıw hám paxta agrotexnikası dodalandı Qaraqalpaqstan Respublikası Awıl xojalıǵı ministrliginde Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri Kamiljan Aytbaevtıń, Respublikalıq jumısshı topar aǵzalarınıń hám Ózbekstan Respublikası Fermerler keńesiniń baslıǵı Aktam Xaitovtıń basshılıǵında májilis bolıp ótti. Onda ǵálleden bosatılǵan maydanlarǵa tákirar egislerdi óz waqtında jaylastırıw arqalı azıq-awqat qáwipsizligin bekkemlew, paxtanıń tárbiyasında agrotexnikalıq ilajlardı sapalı shólkemlestiriw hámde aymaqlarda alıp barılıp atırǵan jumıslar dodalandı. Sonday-aq, tákirar egis jumısların muwapıqlastırıw, fermer xojalıqlarına ámeliy járdem kórsetiw maqsetinde arnawlı shtab iskerligin jolǵa qoyıw, atqarılıp atırǵan jumıslar boyınsha turaqlı esabat júrgiziw hám qadaǵalawdı kúsheytiw boyınsha juwapkerlerge tiyisli tapsırmalar berildi.