Qaraqalpaqstan Respublikası Awıl xojalıǵı ministrliginde apparat jıynalısı ótkerildi
Búgin Qaraqalpaqstan Respublikası Awıl xojalıǵı ministrliginde apparat jıynalısı bolıp ótti. Jıynalısqa Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri Kamiljan Aytbaev basshılıq etti.
Jıynalısta kadrlıq máseleler de kórip shıǵıldı. Atap aytqanda, Muxanov Maxmud Muratovich Qaraqalpaqstan Respublikası Awıl xojalıǵı ministriniń azıq-awqat qáwipsizligi hám awıl xojalıǵında ekonomikalıq reformalar máseleleri boyınsha orınbasarı lawazımına tayınlandı. Onıń bul lawazımǵa tayınlanǵanı haqqında Ózbekstan Respublikası Awıl xojalıǵı ministrliginiń tiyisli buyrıǵı oqıp esittirildi.
M.Muxanov tayınlawǵa shekem Qaraqalpaqstan Respublikası Awıl xojalıǵı ministrliginiń Klasterler, agro isbilermenlik hám kooperaciyalardı rawajlandırıw sektorınıń baslıǵı lawazımında jumıs alıp barǵan.
Sonday-aq, jıynalısta awıl xojalıǵı tarawında ámelge asırılıp atırǵan jumıslar, aldında turǵan wazıypalar, paxta jıyın-terimine tayyarlıq hám agrotexnikalıq ilajlardı óz waqtında hám sapalı orınlaw máseleleri keń túrde talqılandı.
