Puqaralardıń múrájatları tıńlandı Búgin Ózbekstan Respublikası Prezidentiniń Nókis qalasındaǵı Xalıq qabıllawxanası imaratında Qaraqalpaqstan Respublikası Awıl xojalıǵı ministriniń birinshi orınbasarı A.Xalimbetov tárepinen puqaralar qabıllawı ótkerildi. Qabıllaw dawamında puqaralardıń awıl xojalıǵı tarawına baylanıslı usınıs hám múrájatları tıńlanıp, olardıń mashqalalarına ámeliy sheshim tabıw boyınsha tiyisli juwapkerlerge tapsırma hám usınıslar berildi. Sonıń ishinde, awıl xojalıǵı subsidiyalarınan paydalanıw, fermer xojalıǵın shólkemlestiriw maqsetinde jer maydanların aukcion sawdalarına shıǵarıw, egislik maydanların suwǵarıw ushın salma hám kanallar qazıwǵa ámeliy járdemlesiw hám awıl xojalıǵına baylanıslı basqa da máseleler dodalandı. Puqaralardıń múrájatların óz waqtında kórip shıǵıw, mashqalalarǵa nızamlı hám ámeliy sheshim tabıw jáne olardıń huqıqları menen máplerin támiyinlew boyınsha zárúr ilajlar belgilep alındı.