2027-jıl ónimi ushın gúzgi shúdigarlaw jumısları hám jer konturların muwapıqlastırıw máseleleri dodalandı
📍 Taqıyatas rayonı Naymankól APJ aymaǵında jaylasqan “Alisher” fermer xojalıǵında 2027-jıl ónimi ushın awıl xojalıǵı eginlerinen bosaǵan maydanlarda gúzgi shúdigarlaw jumısların shólkemlestiriw hám jerden paydalanıwshılardıń jer konturların muwapıqlastırıw hám keńeytiw máselelerine baǵıshlanǵan dala sharayatındaǵı ámeliy-kórgizbeli seminar bolıp ótti.
Seminarda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri Kamiljan Aytbaev, Ózagroinspekciyanıń Qaraqalpaqstan Respublikası basqarması baslıǵı Erpolat Qayıpbergenov, rayonlıq awıl xojalıǵı bólimi juwapkerleri hám de fermer xojalıqları basshıları qatnastı.
Ámeliy seminar dawamında gúzgi shúdigarlaw jumısların agrotexnikalıq talaplar tiykarında, sapalı hám óz waqtında ámelge asırıw, kelesi jıl ónimi ushın jer maydanların tayarlaw, sonday-aq, jer konturlarınan nátiyjeli paydalanıw hám olardı muwapıqlastırıw boyınsha tiyisli túsinikler berildi.
Sonday-aq, fermer xojalıqları jumısın nátiyjeli shólkemlestiriw, bar bolǵan jer resurslarınan aqılǵa muwapıq paydalanıw hám de 2027-jıl ónimi ushın puxta tayarlıq kóriw boyınsha ámeliy usınıslar bildirildi.
